काठमाडौँ । स्वास्थ्य तथा जनसंख्या मन्त्रालयले ८ जना उच्च अधिकारीहरूको जिम्मेवारी हेरफेर गरेको छ । मन्त्रालयले विभिन्न शाखामा कार्यरत उच्च अधिकारीहरूको जिम्मेवारी बदलेको हो ।

मन्त्रालयले परिवार कल्याण महाशाखा न्तर्गत खोप शाखामा सागर दाहाललाई ल्याएको छ । उक्त शाखामा कार्यरत डा झलक शर्मालाई व्यवस्थापन महाशाखामा पठाएको छ ।

क्षयरोग केन्द्रका निर्देशक डा विवेकलाल कर्ण, परिवार कल्याण महाशाखाका निर्देशक डा तारा पोख्रेल, क्षयरोग नियन्त्रण केन्द्रका निर्देशक डा अनुज भट्टचन, कर्णाली प्रदेश निर्देशनालयका डा प्रकाश शाहको जिम्मेवारी हेरफेर गरिएको छ ।

यस्तै, डा कृष्ण पौडेल, डा रोशन न्यौपानेको जिम्मेवारीसमेत परिर्वतन भएको छ । सोअनुसार भरतपुर अस्पतालको मेडिकल सुपरिटेण्डेन्टमा डा पौडेललाई नियुक्त गरिएको छ । सोही अस्पतालका मेसु डा न्यौपानेलाई गजेन्द्र नारायण स्वास्थ्य विज्ञान प्रतिष्ठान अस्पताल सरुवा गरिएको छ ।