काठमाडौँ । इटलीको मिलान शहरमा आइतबार दुई सय फिट अग्लो २० तले घरमा आगोलागी हुँदा ठूलो हताहत भएको छ । आगोलागी भएसँगै घरमा फसेका ७० परिवारलाई दमकलले सुरक्षित उद्धार गरेका थिए ।

आगो निभाउन १५ दमकलले कार्यरत भएका थिए । उनीहरूले डेढ घण्टामा पूरै घरको आगो निभाएका थिए ।

आगोमा फसेका २१ जना धुँवाका कारण विरामी भएका थिए । उनीहरूको उपचार जारी रहेको समाचारमा जनाइएको छ । साथै उनीहरूको अवस्था सामान्य रहेको छ ।

इटालीका गृह मन्त्रालयका अधिकारी कारलो सिबियाले आगो कसरी लागेको भन्ने विषयमा अनुसन्धान सुरू भएको बताएका छन् । घरमा आगो तीव्र गतिमा फैलनुको कारण थर्मल कभर भएको जनाइएको छ । एजेन्सी