काठमाडौँ । सभामुख अग्निप्रसाद सापकोटाविरुद्ध परेको विचाराधीन मुद्दा सुनुवाई हुने भनिए पनि हेर्न नमिल्नेमा राखिएको छ । सर्वोच्च अदालतमा विचाराधीन मुद्दामा बुधबार पनि सुनुवाई हुन नसकेको हो ।

प्रधानन्यायाधीश चालेन्द्र शमशेर, न्यायाधीशहरू दीपककुमार कार्की, मीरा खड्का, हरिकृष्ण कार्की र ईश्वरप्रसाद खतिवडाको संवैधानिक इजलासमा पेशी चढेको उक्त मुद्दा हेर्न नमिल्नेमा परेको हो ।

यसअघि विं.सं. २०७६ फागुन ३० गते यो मुद्दा पेशीमा चढाइए पनि हेर्न नभ्याएपछि सुनुवाई सरेको थियो ।