काठमाडौं । कोरोना संक्रमणका कारण देशैभरीका मठमन्दिरहरुमा नियमित पूजापाठबाहेक पूजा आरधना गर्न सर्वसाधारणलाई रोक लगाइएपछि बन्द रहेको मनकामना केबलकार आइतबारदेखि सञ्चालन हुने भएको छ ।

स्वास्थ्य मापदण्ड अपनाएर मठमन्दिरहरु पनि खुला गर्न छुट दिएपछि मनकामना केबल कार पनि भदौ २० गतेदेखि पुनः सञ्चालन गर्न लागिएको हो ।

केवलकार सञ्चालन भएसँगै सर्वसाधारणको भीँड बढ्न सक्ने भएकाले कम्पनीले अनलाइनबाट टिकट खरिद गर्ने भएको छ ।

ई–सेवा, फोन–पे आदि जस्ता डिजिटल प्रविधिबाट टिकट खरिद गर्न सकिने कम्पनीले जनाएको छ । कोरोना संक्रमणको दोस्रो लहर देखिएपछि मनकामना केवल कार बन्द गरिएको थियो ।