काठमाडौँ । नेकपा एमाले अध्यक्ष केपी शर्मा ओली विरामी परेका छन् । उनलाई ज्वरो आएको हो ।

अस्वस्थ्य भएपछि उनी आफ्नै निजी निवास बालकोट भक्तपुरमा नै आराम गरिरहेका छन् । उनका प्रेस संयोजक रामशरण बजगाईका अनुसार अस्वस्थ्य भएपछि अध्यक्ष ओलीले आजका नियमित कार्यक्रम र भेटघाटहरू पूर्ण रुपमा बन्द गरेका छन् ।

पार्टी नेता माधव कुमार नेपालले एमाले विभाजन गरी नेकपा एकीकृत समाजवादी गठन गरेपछि उनी पार्टीभित्र विभाजनको क्षति कम गराउन र नेता कार्यकर्तालाई नेपालको पार्टीमा जानबाट रोक्न आफै दौडधुप गरिरहेका थिए ।

बुढ्यौली उमेर र दौडधुप तीव्र हुँदा स्वास्थ्यमा समस्या देखिएर ज्वरो आएको हुन सक्ने आशंका गर्दै उनले अहिले आफ्ना कार्यक्रम रोकेर घरमा आराम गरिरहेको उनका प्रेस संयोजक बजगाईले बताए ।