जुम्ला । जुम्लामा नेकपा (एमाले)का अध्यक्षसहित ५८ जना माधव नेपाल नेतृत्वको नेकपा एकीकृत समाजवादीमा रहेको घोषणा गरेका छन् ।

शनिवार पत्रकार सम्मेलन गरी उनीहरु समाजवादीमा रहेको घोषणा गरेका हुन् । नेकपा एमालेको ६१ सदस्यीय जिल्ला कमिटीमा तीन जना मात्रै एमालेमा रहेका छन् ।

एमालेका जुम्ला अध्यक्ष तीर्थ बुढा, उपाध्यक्ष नन्दराम रोकाया, सचिव आदीप्रसाद न्यौपाने, उपसचिव राजबहादुर खत्री सहित ५८ सदस्य सिङगो कमिटी एकीकृत समाजवादी रहेको कर्णालीका प्रदेश सांसद पदमबहादुर रोकायाले बताए । उनले जुम्लामाजस्तै कर्णालीका अन्य जिल्लामा पनि एमालेमा नरहेको घोषणाको लहर चलेको बताए ।