काठमाडौं । भारतीय एसएसवीले तुइन काटेपछि महाकाली नदीमा खसेर वेपत्ता भएका नेपाली युवा जयसिंह धामीको घटना र भारतीय हेलिकप्टर नेपाली भूमिमा खुलेहाम घुमिरहेको घटनामा सरकार मौन बसेको भन्दै चौतर्फी विरोध भईरहेका बेला सरकारले भारतलाइृ दुवै प्रकरणका विषयमा कुटनीतिक नोट पठाएको छ ।

सरकारले ती दुई घटनाका सम्बन्धमा छुट्टाछुट्टै कुटनीतिक नोट पठाएको हो । परराष्ट्र मन्त्रालयकी प्रवक्ता सेवा लम्सालका अनुसार, नेपाल सरकारले दुवै घटनाका सम्बन्धमा कुटनीतिक च्यानलबाट पत्र पठाइएको छ ।

साउन १५ गते महाकाली नदी तर्ने क्रममा भारतीय सुरक्षाकर्मीले तुइन चुडाइदिँदा दार्चुलाका जयसिंह धामी बेपत्ता भएका थिए । सो घटना सेलाउन नपाउँदै भारतले नेपाली सेनाको ब्यारेकमाथि अनाधिकृत रुपमा हेलिकोप्टर उडाएको थियो ।