काठमाडौँ । प्रमुख प्रतिपक्षी दल नेकपा एमालेको संसदीय दलको बैठक बस्ने भएको छ । भोलि संघीय संसदका दुवै सदनको बैठक बस्ने भएसँगै आज पार्टीको बैठक बस्ने भएको हो ।

संसदमा कसरी प्रस्तुत हुने भन्ने विषयमा छलफल गर्न बैठक बोलाइएको पार्टी कार्यालयले जानकारी दिए । एमालेले संसदमा सभामुखप्रति कठोर रुपमा प्रस्तुत हुने संकेत गरेको छ ।

पार्टी अध्यक्ष केपी शर्मा ओलीले सोमबार राजधानीमा आयोजित एक कार्याक्रममा सभामुख अग्निप्रसाद सापकोटाप्रति आक्रोस पोखेका थिए । सभामुखमाथि खनिएका उनी संसदमा पनि सोहीअनुरुप प्रस्तुत हुने देखिएका छन् ।