काठमाडौं । शिवरात्रिको दिन पशुपति क्षेत्रमा प्रहरीमाथि कुटपिट गर्ने युवक पक्राउ परेका छन् ।

प्रहरीका अनुसार मकवानपुर ठुलदमार स्थायी घर भई हाल काठमाडौं महानगरपालिका–१३ चागल बस्ने २५ वर्षीय रिजन श्रेष्ठ स्वयम्भुबाट पक्राउ परेका हुन् ।

शिवरात्रिको दिन पशुपति क्षेत्रमा ड्युटीमा खटिएका प्रहरी जवानमाथि हातपात गर्दै लात्तीले हानेको भिडियो सार्वजनिक भएकाे थियाे ।

भिडिओ भाइरल भएपछि मंगलबार मात्रै प्रहरीले एक सूचना निकाल्दै प्रहरीमाथि आक्रमण गर्ने ती युवक पहिचानका लागि नागरिकसँग सहयोग माग गरेको थियो ।