काठमाडौँ । काठमाडौँ महानगरपालिका–१४ का वडा सदस्य वसन्त महर्जन २ लाख रुपैयाँ घुससहित पक्राउ परेका छन् । अख्तियार दुरुपयोग अनुसन्धान आयोगको टोलीले सेवाग्राहीसँग घुस लिँदै गर्दा उनलाई न्यू कान्तिपुर तन्दुरी भोजनालयबाट पक्राउ गरेको हो ।

महर्जनले जग्गाको मोहियानी हक नामसारी र नाता प्रमाणित गरी मोही प्रमाण पत्र र मालपोत तथा भूमि व्यवस्था कार्यालय काठमाडौँलाई सिफारिस दिनका सेवाग्राहीसँग घुस रकम लिएका थिए । उनलाई हिरासतमा लिएर थप अनुसन्धान भइरहेको आयोगले जनाएको छ ।