काठमाडौँ । नेकपा (एमाले)को रिटमा सर्वोच्च अदालले दुवै पक्षलाई झिकाउने आदेश दिएको छ । निर्वाचन आयोग र सभामुख अग्नीप्रसाद सापकोटाविरुद्ध दायर गरेको रिटमाथि मंगलबार सुनुवाई गर्दै सर्वोच्चले दुवै पक्षलाई झिकाउने आदेश दिएको हो ।

प्रधानन्यायाधीश चोलेन्द्रशमशेर राणाको एकल इजलासले उक्त रिटमा अन्तरिम आदेश दिने वा नदिनेबारे छलफल गर्न २८ गते दुवै पक्षलाई बोलाउने आदेश दिएको हो । एमालेले माधव नेपालसहितका १४ सांसदलाई कारबाही गर्न संसद सचिवालयमा निवेदन दिएको थियो । तर, सभामुख सापकोटाले कारबाही गर्न नपर्ने निर्णय गरेका थिए ।

यस्तै सर्वोच्चले निर्वाचन आयोगसँग लिखित जवाफ माग गरेको छ । माधव कुमार नेपालले दर्ता गरेको एकीकृत समाजवालदी दल गैरकानूनी भएको भन्दै बदर गर्न माग गरेको रिटमा १५ दिनभित्र आयोगलाई लिखित जवाफ मागेकाे हो । आयोगको जवाफ आएको तेस्रो दिनदेखि निरन्तर सुनुवाइ हुनेछ ।