काठमाडौँ । सुदूरपश्चिम प्रदेश सरकारमा नेकपा एमालेबाट मन्त्री भएका दुई जनाले राजीनामा दिएका छन् । एमाले प्रदेश संसदीय दलका नेता रहेका आर्थिक मामिला तथा योजना मन्त्री प्रकाशबहादुर शाह र राज्यमन्त्री अर्चना गहतराजले राजीनामा दिएका हुन् ।

माधवनेपाल समूहमा रहेका उनीहरूले नयाँ पार्टीमा नबस्ने भन्दै एमालेमा फर्किन मन्त्रीबाट राजीनामा दिएका हुन् । बाजुराबाट निर्वाचित शाह तत्कालीन नेकपा नेतृत्वको सरकारमा मन्त्री बनेका थिए ।

गत जेठमा एमाले माधव समूहले ३ जना मन्त्रीलाई फिर्ता बोलाएर ७ जना मन्त्री बनाउँदा शाह आर्थिक मामिला मन्त्री बनेका थिए । यस्तै गहतराज राज्यमन्त्री बनेकी थिइन् ।