काठमाडौँ । अमेरिकी सहयोग नियोग मिलेनियम च्यालेन्ज कर्पोरेसन (एमसीसी)को टोली नेपाल आउने लागेपछि त्रिभुवन अन्तर्राष्ट्रिय विमानस्थलको सुरक्षा कडा पारिएको छ ।

नेपालको चारदिने भ्रमणका लागि उपाध्यक्ष फतिमा सुमार र नायव उपाध्यक्ष जोनाथन ब्रुक्स आज बिहान ९ बजेर १० मिनेटमा कतार एयरको विमानबाट काठमाडौँ पुग्दैछन् । उनीहरुको सुरक्षका लागि त्रिभुवन विमानस्थल प्रवेशमा कडाई गरिएको छ । विमानस्थल भित्र पत्रकारलाई पनि निषेधित गरिएको बताइएको छ ।

एमसीसी परियोजना कार्यान्वयन भएका देशहरुमा वार्षिक रुपमा कार्यान्वयनको अवस्था बुझ्न उनीहरु नेपाल आउन लागेका हुन् । सुमारले हस्ताक्षर गरेको जवाफी पत्र सार्वजनिक भएको भोलीपल्ट उनी नेपाल आउन लागेकी हुन् । नेपालमा एमसीसी परियोजना स्वीकार गर्ने कि नगर्ने भन्ने बहस भइरहेको छ ।

सरकारले एमसीसी संसदमा लैजाने तयारी गरेको छ । चारदिने नेपाल बसाइँको क्रममा सुमारले एमसीसी कार्यान्वयनबारे विभिन्न पक्षहरुसँग छलफल गर्ने बताइएको छ ।