काठमाडौँ । नेकपा एकीकृत समाजवादीको गण्डकी प्रदेश भेला हुने भएको छ । भेला आगामी २७ गते पोखरामा हुने भएको हो ।

भेलामा प्रदेशअन्तर्गतका जिल्लामा संगठन विस्तारका लागि नयाँ कमिटी गठनसम्बन्धी छलफल गरिने केन्द्रीय सदस्य दिलुकुमारी पन्तले जानकारी दिइन् । पार्टीले केशवलाल श्रेष्ठलाई प्रदेश इञ्चार्जको जिम्मेवारी प्रदान गरेको छ ।

यही भदौ २६ गते गोरखा जिल्लामा पनि संगठन विस्तारका लागि बैठक राखिएको छ । नेकपा एमालेबाट अलग भई हालै गठन भएको नेकपा एकीकृत समाजवादीले विभिन्न राजनीतिक गतिविधि सञ्चालन गर्न जनवर्गीय संगठन निर्माण गरिरहेको छ ।