काठमाडौँ । जनता समाजवादी पार्टी (जसपा)का अध्यक्ष उपेन्द्र यादवले चाँडै मन्त्री मण्डल विस्तार हुने बताएका छन् । शुक्रबार बसेको प्रतिनिधिसभा बैठकपछि बाहिरिदै गर्दा उनले केही दिनभित्र मन्त्री मण्डल विस्तार हुने बताएका हुन् ।

‘अब केही दिनमा नै मन्त्री मण्डल विस्तार हुन्छ,’ प्रतिस्थापन विधेयकबारे पत्रकारको जिज्ञासामा उनले भने ‘प्रतिस्थापन विधेयक देशको आवश्यकता हो, यो सहमतिमा ल्याएको विधेयक हो ।’

यस्तै, नेकपा एमालेका नेता गोकुल बाँस्कोटाले प्रतिस्थापन विधेयक छापामार र गुरिल्ला शैलीमा आएको बताए । उनले यसअघि पनि बारम्बार सरकारले सोही प्रकारको काम गरेको आरोप लगाए ।

‘सभामुख पक्षपाती भए, अग्निप्रसाद सापकोटोको कुर्सी होइन, यो जनताले ल्याएको कुर्सी हो,’ उनले भने, ‘यो शैलीमा उहाँले कसरी संसद चलाउनु हुन्छ, हामीले विरोध गरेको होर ? उहाँको शैलीको विरोध गरेको हो ।’