काठमाडौँ । स्पेनिस ला लिगा फुटबलमा रियल मड्रिडको सानदार जित भएको छ । गएराति भएको खेलमा रियल मड्रिडले सेल्टा डी भिगोलाई ५ –२ गोल अन्तरले पराजित गरेको हो ।

उक्त खेलमा करिम बेन्जिमाले तीन गोल गरेका थिए । उनले २४, ४६ र ८७ औं मिनेटमा गोल गरेका हुन् ।

गएरातिको जितसँगै रियल ४ खेलबाट १० अंक जोड्दै अंक तालिकाको शीर्ष स्थानमा उक्लिएको छ । समान १० अंक रहेको भ्यालेन्सिया दोस्रो स्थानमा छ भने १० अंक नै रहेको एट्लेटिको म्याड्रिड तेस्रो स्थानमा छ ।