काठमाडौँ । नेपाली कांग्रेसको १४ औं महाविधेशन अन्तरगत डडेलधुरा जिल्लामा प्रहरी प्रशासनको बलमा सभापति शेरबहादुर देउवाले वडा अधिवेशन गरेको र प्रदेश नम्बर दुई लगायतका जिल्लामा क्रियाशील सदस्यताको विवाद टुंगो नलगाएको विषयमा संस्थापन इतर समुहका नेताहरुले छलफल गर्ने भएका छन् । पार्टी केन्द्रीय कार्यालय सानेपामा संस्थापन इतर समुहका नेताहरुले सोमवार दिउसो २ वजे छलफल गर्ने भएका छन् ।

सभापति देउवाले डडेलधुरामा गराएको अधिवेशनपछि संस्थापन इतर समुह निष्पक्ष महाधिवेशन हुने शशंकित बनेको छ । देउवाले प्रदेश नम्बर दुई लगायत काठमाडौँ, सिन्धुपाल्चोक लगायत आफु कमजोर भएको जिल्लामा क्रियाशील सदस्यता समेत टुंगो नलगाएपछि महाधिवेशन तोकिएको समयमा हुनेमा समेत शशंकित बन्दै आएको छ ।

प्रदेश नम्बर २ का ८ जिल्लासहित विभिन्न जिल्ला गरी कूल २१ जिल्लामा कांग्रेस क्रियाशील सदस्यता विवाद छ। भदौ १८ मा गर्ने भनेको वडा अधिवेशन असोज ५ सम्म धकेलिएको छ । यी सवै विषयमा छलफलका लागि पौडेल पक्षले भेला छुटटै बोलाएको हो ।