काठमाडौं । नेकपा एमालेका अध्यक्ष केपी ओलीले संविधान निर्माणको बेला भारतीय विशेष दूत बनेर आएका एस जयशंकरले नेपालका प्रधानमन्त्री देखि राजनीतिक दलका नेतालाई धम्काएको बताएका छन् ।

एमालेको विधान महाधिवेशनमा प्रस्तुत गर्न तयार पारेको आफ्नो राजनीतिक प्रतिवेदनमा ओलीले नाकावन्दी, प्रतिरोध र अभूतपूर्व राष्ट्रिय एकता उपशीर्षकमा भारतीय विशेष दूत बनेर आएकाले धम्काएको उल्लेख गरेका छन् ।

संविधान निर्माण हुँदैदेखि आफना सरोकार र चासोलाई ध्यान नदिएको भनी असन्तुष्टि प्रकट गदै आएको भारत सरकारले संविधान निर्माण भईसकेपछि जारी नगर्न प्रत्यक्ष दवाव र धम्की दिएको ओलीको प्रतिवेदनमा उल्लेख छ ।

म्धेस केन्द्रीत दलले संविधानप्रति असन्तुष्टि जनाईरहेकै बेला भारतीय प्रधानमन्त्री नरेन्द्र मोदीले तत्कालिन समयमा विदेश सचिव रहेका एश जयशंकरलाई विशेष दूत बनाएर नेपाल पठाएका थिए ।

एनले विमानस्थलवाट उत्रेर शुरुमै केपी ओलीको बालकोट स्थित निवासमा पुगेर राजनीतिक भेटघाट शुरु गरेका थिए । त्यसक्रममा उनले तत्कालिन प्रधानमन्त्री तथा कांग्रेस सभापति शुसिल कोइराला, एमाले अध्यक्ष ओली र माओवादी केन्द्रका अध्यक्ष प्रचण्डसाग भेट गरेका थिए ।

शीर्ष सवै नेतालाई ृनले प्रत्यक्ष रुपमानै संविधानमा आफुहरुको चासो सम्वोधन नभए आफुहरुलाई स्वीकार्य नहुने भन्दै धम्की दिएका थिए ।

उनले परिणाम नराम्रो हुने भन्द्र प्रत्यक्ष धम्की दिएपछि नेपालका नेताहरुले आक्रोश पोखेका थिए । भारतीय दवावका वीचमा पनि २०७२ असोज ३ मा नेपालमा संविधान जारी भएको थियो ।

मोदीले २०७२ असोज १ गते विशेष दूत बनाएर जयशंकरलाई नेपाल पठाएका थिए ।

ओलीले आफनो प्रतिवेदनमा लेखेका छन्,–भारतीय प्रतिनिधीले तत्कालिन प्रधानमन्त्री र राजनीतिक दलका नेताहरुलाई संविधान जारी नगर्न र आफनो सुझाव विपरित गरिएमा आफुहरुलाई स्वीकार्य नहुने एवं परिणाम नराम्रो हुने धम्की दिएर फर्किए ।’
ओलीले आफनो प्रतिवेदनमा अगाडी लेखेका छन्,–‘यो स्वतन्त्र मुलुकको सार्वभौम अधिकारमाथीको हस्तक्षेप थियो । जुन कुनै अर्थमा पनि स्वीकार्य थिएन । यसलाई चिदै नेपालको संविधान जारी भयो । त्यसपछि नेपालमा नाकावन्दी भयो ।’