काठमाडौँ । नेकपा एमालेबाट विभाजित भई गठन भएको पार्टी नेकपा एकीकृत समाजवादी (एस)को केन्द्रीय कमिटी बैठक बसेको छ । बैठक नयाँ बानेश्वरस्थित पार्टी कार्यालयमा बसेको हो ।

बैठकमा प्रवेश गर्नुअघि पत्रकारसँग बोल्दै पार्टी अध्यक्ष माधव कुमार नेपालले युवाहरू ठूलो मात्रामा उपस्थित भएको बताएका थिए । ‘पार्टीको केन्द्रीय कमिटी बैठकमा उपस्थित हुन पाउँदा खुसी लागेको छ, बैठकमा युवाहरूको आकर्षण राम्रो रहेको छ,’ उनले भने, ‘अब नयाँ पार्टीले नयाँ उचाई लिन्छ ।’

बैठकमा पार्टी अध्यक्ष नेपालसहित गंगालाल तुलाधार, विरोध खतिवडा, राजेन्द्र पाण्डेसहित एमालेका अध्यक्ष प्रधानमन्त्री हुँदा वन मन्त्री बनेको प्रेम आलेसमेत उपस्थित भएका छन् ।