काठमाडौँ । इण्डियन प्रिमियर लिग (आईपीएल) क्रिकेटमा कोलकाता नाइट राइडर्सले मुम्बई इन्डियन्सलाई पराजित गरेको छ । आबुधाबीमा बिहीबार राति भएको खेलमा कोलकाता नाइट राइडर्सले मुम्बई इन्डियन्सलाई ७ विकेटले पराजित गरेको हो ।

मुम्बईले दिएको १ सय ५६ रनको लक्ष्य कोलकाताले १५ ओभर १ बलमा ३ विकेट गुमाएर पूरा गरेको थियो । पहिले ब्याटिङ गरेको मुम्बईले २० ओभरमा ६ विकेट गुमाएर १ सय ५५ रन बनाएको थियो ।

मुम्बईका लागि क्विन्टन डी ककले ५५ रन, कप्तान रोहित शर्माले ३३ रन र केइरन पोलार्डले २१ रन जोडे । जितसँगै कोलकाताले ९ खेलमा ८ अंक जोडेको छ ।