काठमाडौँ । नेकपा एमालेको स्थायी कमिटी बैठक बस्दैछ । तुलसीलाल अमात्य प्रतिष्ठान ललितपुरमा सोमबार ११ बजे बैठक बोलाएको हो । बैठकमा १० बुँदे सहमति कार्यान्वयनमा भइरहेको प्रगति, विधान महाधिवेशनमा छनोट हुने प्रतिनिधि लगायतका विषयमा छलफल हुने बताइएको छ ।

नेकपा एमाले जेठ २ मा फर्कने १० बुँदे सहमति भए पनि उक्त सहमति कार्यान्वयन नभएको भन्दै उपाध्यक्ष भिम रावल लगाएतका नेताले असन्तुष्टि व्यक्त गरेका छन् । एमाले २ जेठ २०७५ मा फर्कँदा सुदूरपश्चिमको पार्टी इन्चार्ज रावल हुनुपर्ने भए पनि हाल माओवादी केन्द्रबाट आएका लेखराज भट्ट इन्चार्ज रहेका छन् ।

यसमा रावल लगाएत सुदूरपश्चिमका नेताहरूले आपत्ति जनाउँदै आएका छन् । आइतबार बसेको एमाले केन्द्रीय कमिटी बैठकमा उपाध्यक्ष रावल लगायतका नेताहरूले १० बुँदे कार्यान्वयनबारे स्पष्ट पार्न माग गरेका थिए । रावल लगाएतका नेताहरुको मागअनुसार आज स्थायी कमिटी बैठक बोलाइएको हो ।