काठमाडौं । साफ च्याम्पियनशीपको सोमवार भारत बंगलादेशबीचको खेल बराबरीमा रोकिएको छ ।

सोमबार साँझ भएको खेलमा भारत र बंगलादेश एक एकको बराबरी खेलेपछि अंक बाँडेका छन् ।

दोस्रो हाफको ५४ मिनेटमा बंगलादेशका विश्वनाथ घोसले रातोकार्ड पाएपछि बंगलादेश १० खेलाडीमा सीमित भएको थियो ।

सात पटकको च्याम्पियन भारत १० खेलाडीमा सीमित बंगलादेशसँग बराबरीमा रोकिएपछि एक एक अंक बाँड्न बाध्य भएका हुन् ।

भारतका लागि कप्तान सुनील क्षेत्रीले २६ औं मिनेटमा गोल गर्दै अग्रता दिलाएका थिए ।

दोस्रो हाफमा एक खेलाडीले रातो कार्ड पाएर बाहिरिएपछि १० खेलाडीमा सिमित भएको बंगलादेशले ७४ औं मिनेटमा यासिन अराफले गोल गरी बराबरी बनाए ।