काठमाडौँ । सत्ता रुढ दल नेकपा माओवादी केन्द्र र जनता समाजवादी पार्टी जसपा मन्त्री छनौट गर्दैछन् । मन्त्री छनोट गर्न माओवादी केन्द्रको स्थायी कमिटी बैठक र जसपाको कार्यकारिणी समितिको बैठक बुधबार बस्दैछ ।

मंगलबार बसेको गठबन्धनको बैठकमा मन्त्रालय भागबण्डामा सहमति भएको थियो । बैठकमा कांग्रेसले आठ मन्त्री र एक राज्यमन्त्री, माओवादी केन्द्रले ५ मन्त्री र एक राज्य मन्त्री, नेकपा एकीकृत समाजवादीले चार मन्त्री र एक राज्यमन्त्री तथा जसपाले चार मन्त्री पाउने सहमति भएको थियो ।

उक्त सहमतिपछि सत्तारुढ दल नेपाली कांग्रेस, माओवादी केन्द्र, नेकपा एकीकृत समाजवादी पार्टी र जसपा मन्त्री छनोटमा व्यस्त छन् । गत असार २९ गते कांग्रेस सभापति शेरबहादुर देउवा प्रधानमन्त्रीमा नियुक्त भएका थिए । तर प्रधानमन्त्रीमा नियुक्त भएको तीन महिना पुग्नै लाग्दा पनि देउवाले मन्त्रिपरिषदलाई पूर्णता दिन सकेका छैन्न ।