काठमाडौँ । नेकपा (एकीकृत समाजवादी)ले पार्टीको तर्फबाट सरकामा सहभागी हुने मन्त्रीको नाम टुंगो लगाएको छ । शुक्रबार विहान बसेको एकीकृत समाजवादीको केन्द्रीय सचिवालय बैठकले मन्त्री हुनेको नाम र मन्त्रालयको टुंगो लगाएको हो ।

एकीकृत समाजवादीका नेता विरोध खतिवडाका अनुसार मन्त्री हुनेमा स्वंम् खतिवडा, रामकुमारी झाँक्री, प्रेम आले र किसान श्रेष्ठ रहेका छन् । उनका अनुसार एकीकृत समाजवादीले पाएका चार मन्त्रालय क्रमशः शहरी विकासमा खतिवडा, स्वास्थ्यमा झाँक्री, पर्यटनमा आले र श्रममा श्रेष्ठलाई पठाउने निर्णय गरेको छ ।

प्रधानमन्त्री शेरबहादुर देउवाले आजै मन्त्रिपरिषदलाई पूर्णता दिने तयारी गरेका छन् । ज्योतिषीको सल्लाहामा नवनियुक्त मन्त्रीहरुलाई दिउँसो ४ बजे राष्ट्रपति विद्यादेवी भण्डारीले सपथ ग्रहण गराउने बताइएको छ । २९ असारमा प्रधानमन्त्रीमा नियुक्त भएका देउवाले मन्त्रिपरिषद्लाई पूणर्ता दिन सकेका छैनन् ।