काठमाडौँ । जिल्ला प्रहरी कार्यालय पर्साले दाहसंस्कार गर्न तयारी गरिएको शवलाई नियन्त्रणमा लिएको छ । प्रहरीले वीरगञ्ज महानगरपालिका १३ मुर्ली कब्रस्तानबाट दाहसंस्कार गर्न लगिएको एक युवतीको शव नियन्त्रणमा लिएको हो ।

प्रहरीले जबर्जस्ती करणीबाट युवतीको मृत्यु भएको भन्दै नियन्त्रणमा लिएको हो । जबर्जस्ती करणीबाट अत्यधिक हुँदा युवतीको मृत्यु भएसँगै घटना लुकाउन लागेको भन्दै प्रहरीले बिहीबार शव शव नियन्त्रणमा लिएको जनाइएको छ ।

शव वीरगञ्जको नारायणी अस्पतालमा पोस्टमार्टमका लागि पठाइएको पर्सा प्रहरीले जानकारी दिएको छ । भारत बिहारको पश्चिमी चम्पारणस्थित इनर्वानिवासी किशोरी जगरनाथपुर गाउँपालिका निवासी भिनाजुको घरमा बस्दै आएकी थिइन् ।

मृतक किशोरीको घाँटीमा डाम देखिएको छ । घटनाको अन्य कुराहरू पोस्टमार्टम रिपोर्ट आएपछि थप अनुसन्धान हुने जिल्ला प्रहरीले जनाएको छ ।