धनगढी । सेती नदीमा आएको बाढीमा परी कैलालीमा १० परिवारका ६० जना फसेका छन् । जिल्लाको सिगास गाउँपालिका–५ को ढुङ्गाडमा बाढीमा ति परिवारका सदस्यहरु फसेका हुन् ।

सेती नदी छेउकै बस्तीमा बस्दै आएका ६० जना फसेको प्रैहरीले जनाएको छ ।

बाढीले सेती नदीको छेउमा रहेको खेतबारी बगाउँदै अग्लो भागमा रहेको बस्तीलाई समेत कटान गरेर नदी दुवैतिर बग्दा उनीहरु टापुमै फसेका हुन् । बैतडी र डोटीलाई जोड्ने ढुङ्गाडको झोलुङ्गे पुल पनि वाढीले बगाएको छ । जसकाकारण उनीहरुको उद्धारमा कठिनाइ आईरहेको प्रहरीले जनाएको छ ।

ढुङ्गाडस्थित सेती नदीको किनारमा करीब एक सय २० परिवार बस्दै आएका थिए । उनीहरुमध्ये नदीले कटान गरिरहेको थाहा पाएकाहरु राति नै त्यहाँबाट भाग्न सफल भएपनि १० परिवारका ६० जना भने फसेका हुन् ।