काठमाडौं । नेपाली कांग्रेसका नेता अर्जुननरसिंह केसीले पार्टीलाई बलियो बनाउन पार्टीभित्रको गुटलाई अन्त्य गर्नुपर्ने बताए ।

उनले घरभित्रको समस्या घरभित्र नै समाधान गर्नुपर्ने बताए । लोकतन्त्र र पार्टीको आदर्श तथा सिद्धान्तलाई आत्मसात् गरेर अगाडि बढ्नुपर्नेमा नेता केसीले जोड दिए ।

कांग्रेसभित्र हार्नेले जित्नेको सम्मान गर्ने वातावरण निर्माण गरे मात्र पार्टी बलियो हुने उनको भनाई छ ।

उनले भने,‘नेताभन्दा नीति र व्यक्तिभन्दा विचार ठूलो हुन्छ ।’महाधिवेशनमा आफ्नो मतको सही सदुपयोग गर्न उनले आग्रह गरे ।