काठमाडौँ । नेकपा एमाले ककनी गाउँपालिकाको ऐतिहासिक प्रथम अधिवेशनबाट अध्यक्षमा शेषमान लामा सर्वसम्मत निर्वाचित भएको छ ।

अधिवेशनले उपाध्यक्षमा पवन फुयाल, सचिवमा योगेन्द्र तामाङ, उप सचिवद्वयमा यम बहादुर लामा र कोपिला गुरुङलगायत ७५ सदस्यीय ककनी गाउँपालिका कमिटी पनि सर्वसम्मत निर्वाचित भएका छन् ।

अधिवेशनको उद्घाटन ककनी गाउँपालिका रानीपौवामा नेकपा एमाले बागमती प्रदेश कमिटी सदस्यद्वय राजु लामा र काशीनाथ अधिकारीले संयुक्त रुपमा गरेका थिए ।

ककनी गाउँपालिकाको नवनिर्वाचित अध्यक्ष, अन्य पदाधिकारी एवम सदस्यहरुले नेकपा एमाले बागमती प्रदेश कमिटी सदस्यद्वय लामा र अधिकारीको उपस्थितिमा पार्टीको पद तथा गोपनीयताको शपथ ग्रहण गरेका थिए ।

सोही अवसरमा ककनी गाउँपालिकाका सबै वडाबाट नवनिर्वाचित अध्यक्ष, पदाधिकारी एवम सदस्यले समेत पार्टीको पद तथा गोपनीयताको शपथ ग्रहण गरेका थिए ।