काठमाडौं । नेपाल विद्युत प्राधिकरणले बिजुलीको खपत बढाउनका लागि औद्योगिक उपयोग बढाउनुपर्ने निष्कर्ष निकालेको छ ।

प्राधिकरणमा मंगलबार आयोजित कार्यक्रममा प्राधिकरणका कार्यकारी निर्देशक कुलमान घिसिङले बिजुलीको खपत बढाउने एकमात्र बलियो अस्त्र औद्योगिक खपत भएको र यसैका लागि पूर्वाधारहरु बनिरहेको जानकारी दिए ।

उनले खपत बढाउनका लागि उद्योगसम्म पुग्ने प्रशारण लाइन, सबस्टेशन निर्माणको काम भइरहेको बताए । कार्यकारी निर्देशक घिसिङले केही आयोजना निर्माणाधीन रहेको र केही सुरु हुन थालेको उल्लेख गरे ।

पछिल्लो समय स्टिल बिलेट उद्योगबाट मात्र धेरै लोडको माग आएको उनको भनाइ छ । यो क्षेत्रबाट मात्र १ हजार मेगावाट लोड माग भएको घिसिङको भनाई छ ।

औद्योगिकसँगै घरायसी प्रयोगका लागि पनि काम भइरहेको प्राधिकरणले जानकारी दिएको सार्वजनिक यातायात तथा इन्डक्सन चुल्हो पनि खपत बढाउने औजार भएको उनले धारणा राखे ।

तिहारको उपलक्ष्यमा सबैलाई शुभकामना दिँदै कार्यकारी निर्देशक घिसिङले यसपालीको तिहारमा देशैभर झिलिमिली बत्तिको प्रयोग गर्दा कहि कतै पनि केही समस्या नहुने जानकारी घिसिङले दिए ।