काठमाडौँ । सरकारले शिक्षक अस्पताल निमार्णका लागि तयारी गरेको छ । सरकारले शिक्षक अस्पताल बनाउनका लागि उपयुक्त ठाउँमा जग्गा खोज्न समिति गठन गरेको हो ।

सोमबार बसेको मन्त्रिपरिषद् बैठकले शिक्षक अस्पतालका लागि उपयुक्त ठाउँ खोज्न समिति गठन गर्ने निर्णय गरेको थियो । शिक्षा, विज्ञान तथा प्रविधि मन्त्रालयले जग्गा व्यवस्थापनका लागि डा। विमल चालिसेको संयोजकत्वमा पाँच सदस्यीय समिति गठन गरेको छ । शिक्षामन्त्री देवेन्द्र पौडेलको अध्यक्षतामा बसेको बैठकले उपयुक्त ठाउँमा जग्गाप्राप्ति गर्न समति गठन गरिएको हो ।

समितिले २ महिनाभित्र उपयुक्त ठाउँमा जग्गा खोज्नु पर्जे छ । जग्गा प्राप्ति भएपछि अस्पताल निमार्णको काम सुरु गरिने बताइएको छ । शिक्षक अस्पताल बन्ने भएपछि देशरभरका करिब तीन लाख बढी शिक्षकहरू लाभानिबत हुने छन् । अर्थमन्त्री जनार्दन शर्माले बजेट अध्यादेशको प्रतिस्थापन विधेयकमार्फत शिक्षक अस्पताल बनाउन बजेटको व्यवस्था गरेका थिए ।

सरकारले काठमाडौं, चितवन लगायतका सहरमा जग्गा खोजिरहेको छ । सरकारको यो निर्णयसँगै सैनिक, प्रहरी र निजामति कर्मचारीको जस्तै अब शिक्षकहरुको लागि पनि बेग्लै अस्पताल बन्ने भएको छ ।