काठमाडौँ । मोरङ कारागारमा दुई पक्षबीच दोहोरो झडप भएको छ । कारागारका चौकीदार किरण गुरूङले यातना दिएको भन्दै कैदीबन्दीबीच मंगलबार बिहान दोहोरो झडप भएको हो । सो क्रममा ६ जना कैदीबन्दी घाइते भएका छन् ।

चौकीदार गुरूङ समूहको अत्याचार सहन नसकेपछि कैदीबन्दीहरु आपसमा विवादमा उत्रिएर झडपको स्थिति भएको छ । झडपमा चौकीदार किरण गुरुङ र नाइकेहरू शेखर राई, निर्मल ढकाल, विशाल मुक्ताङ, डिल्ली देवान र सूर्यदीप गुप्ता घाइते भएका छन् ।

घाइते भएका ६ जनालाई उपचारका लागि कोशी अस्पताल पठाइएको छ ।