काठमाडौं । प्रदेश नम्बर १, कर्णाली प्रदेश र सुदूरपश्चिम प्रदेशका प्रदेश प्रमुखहरुले बिहीबार पद तथा गोपनियताको सपथ लिएका छन् ।

प्रदेश–१ का पर्शुराम खापुङ, कर्णालीका तिलक परियार र सुदूरपश्चिमका देवराज जोशीले विहीबार पद तथा गोपनियताको सपथ लिएका हुन् ।

राष्ट्रपति भवन शितल निवासमा विहीबार आयोजित कार्यक्रममा राष्ट्रपति विद्यादेवी भण्डारीले सपथ गराएकी थिइन् ।

मन्त्रिपरिषद् बैठकको सिफारिसमा राष्ट्रपति विद्यादेवी भण्डारीबाट उनीहरुलाई प्रदेश प्रमुख तोकिएको थियो ।

राष्ट्रपति भण्डारीले कात्तिक २३ गते उनीलाई प्रदेश प्रमुख नियुक्त गरेकी थिइन् ।