काठमाडौं । इजलासमा फर्किएका सर्वाेच्च अदालतका पाँचै जना न्यायाधीशहरुले आफूहरु बारकै आन्दोलनको समर्थन जनाएका छन् ।

नेपाल बार र सर्वाेच्च बार एसोसिएसनका पदाधिकारीसँगको छलफलमा उनीहरुले नेपाल बार एशोसिएसनको आन्दोलनमा आफूहरूको समर्थन रहेको स्पष्ट गरे ।

इजलासमा फर्किएका न्यायाधीशहरुले आन्दोलनका कारण सेवाग्राहीले दुःख पाएको र सेवाग्राहीबाट प्रश्न नउठोस् भनेर आफूहरुले बन्दीप्रत्यक्षीकरणसहित सामान्य मुद्दा हेरेको स्पष्टीकरण दिएका छन् ।

‘हामी तपाईँहरु भन्दा बाहिर छैनौं भनेर उहाँहरुले छलफलमा भन्नु भएको छ ।’–बार एशोशिएसनका अध्यक्ष चण्डेश्वर श्रेष्ठले भने ।