बिराटनगर । मोरङको कटहरीस्थित ग्लोबल बायो इनर्जी इन्भेष्टमेन्टमा बुधबार विहान आगलागि हुँदा ठूलो क्षति भएको छ ।

पुरानो टायरहरु पघालेर फर्नेस आयल निकाल्ने मोरङको कटहरी गाउँपालिका ४ स्थित ग्लोबल बायो ईनर्जी ईन्भेष्टमेन्ट प्रालिमा बिहान पौने ६ बजेदेखि आगलागि भएको हो ।

आगलागिबाट उक्त उद्योगमा कच्चा पदार्थकोरुपमा प्रयोग हुने पुराना टायरहरु जलेर नष्ट भएको छ ।

यस्तै, टायरबाट तार निकाल्ने मेसिन र टायर काट्ने मेशिनहरुमा क्षति पुगेको छ । दुई सिफ्टमा संचालन हुने सो उद्योग बुधबार बिहान २ बजे दोश्रो सिफ्टपछि बन्द अवस्थामा थियो ।

सोही समयमा आगलागि भएको हुनसक्ने उद्योग संचालक बिनित सिंघानियाले बताए । विद्युत सर्ट भएर आगलागि भएको जनाइएको छ ।