बुटवल । पूर्व कृषि राज्यमन्त्री समेत रहेका एमाले नेता ओमप्रकाश यादव (गुल्जारी)ले पार्टीबाट राजीनामाको घोषणा गरेका छन् ।

रुपन्देहीको मायादेवी गाउँपालिका–६ शिवपुर (मर्चवार)मा पत्रकार सम्मेलनको आयोजना गर्दै यादवले पार्टीको सबै पदबाट राजीनामाको घोषणा गरेका हुन् ।

एमालेको महाधिवेशन प्रतिनिधिको विषयमा असन्तुष्टी जनाउँदै पदबाट राजीनामा दिएका हुन् ।

महाधिवेशन प्रतिनिधि छनोटको विषयमा असन्तुष्टी जनाउँदै निश्पक्ष छानबिन र समिक्षा गर्न पार्टी नेतृत्वलाई आग्रह गरेका छन् ।

एमाले पार्टी अध्यक्ष शिवराज सुवेदीबाट असन्तुष्ट भएका हुन् । सुवेदीबाट असन्तुष्ट बनेका उनले यसअघि पार्टी उपमहासचिव विष्णु पौडेललाईसमेत जानकारी गराएको यादवले बताए ।