काठमाडौँ । नेकपा एमालेको १० औँ महाधिवेशनमा अध्यक्षका दाबेदार भिम रावलले प्रतिनिधिलाई अलपत्र पारेको भन्दै आपत्ति जनाएका छन् । उनले आइतबार दिनभर बैठक नगरी प्रतिनिधिहरूलाई अलपत्र पारेको भन्दै आपत्ति जनाएका हुन् ।

त्यस्तै, उनले संस्थागत छलफल नगरी राति बैठक बोलाएरधाँधली गर्न खोजेको बताएका छन् ।

सामाजिक सञ्जालमा उनले लेखेका छन् – दिनभरि बैठक नगरेर प्रतिनिधिहरूलाई अलपत्र बनाउने र संस्थागत छलफल नगरी राति ७ बजे बैठक हुने सूचना जारी गर्नु अलोकतान्त्रिक कार्य मात्र होइन धाँधलीको सङ्केत पनि हो । यसले जनताको बहुदलीय जनवाद अन्तर्गत प्रतिस्पर्धाको राजनीतिमाथि आघात पुग्छ ।