काठमाडौँ । धादिङ नेपाली कांग्रेसको सभापतिमा रामनाथ अधिकारी विजयी भएका छन् । उनी वरिष्ठ नेता रामचन्द्र पौडेल पक्षका हुन् ।

सभापतिको निर्वाचनमा अधिकारीले शेरबहादुर देउवा पक्षका नेता भीमप्रसाद ढुंगानालाई ३६ मतले पराजित गरेका हुन् । अधिकारीले एक हजार ८२ मत ल्याउँदा ढुंगानाले एक हजार ४६ मत पाएका थिए ।

पराजित ढुंगाना नीलकण्ठ नगरपालिकाका मेयरसमेत हुन् । अधिकारीलाई निवर्तमान जिल्ला सभापति रमेश धमलाले साथ दिएका थिए ।

यस्तै उपसभापतिमा गेहेन्द्रबहादुर मल्ल र दलबहादुर अधरकारी विजयी भएका छन् । यस्तै, सचिवमा रामकृष्ण पाण्डे र विकास क्षेष्ठ विजयी भए । अन्य पदाधिकारी र सदस्यमा विजयी हुनेहरू पनि अधिकांश रामनाथकै प्यानलकै उम्मेदवार हुन् ।