काठमाडौं । सर्वोच्च अदालतमा ७० वर्ष देखि प्रधानन्यायाधीसको तजविजमा रहेको अधिकार खोसिएको छ । प्रधानन्यायाधीसले आफुखुसी पेशी तोक्ने परम्परा आज देखि सर्वाेच्चमा अन्त्य भएको छ । आजदेखि गोला प्रणालीबाट पेसी तोकिएको छ । पहिलो दिन आज दुईवटा एकल इजलाससहित कुल १० वटा इजलास गोलाप्रथावाट इजलास गठन भएका छन् ।

गोला प्रक्रियाबाट तोकिएको इजलासमा वरिष्ठतम न्यायाधीश दीपककुमार कार्कीको संयुक्त इजलासमा न्यायाधीश टंकबहादुर मोक्तान परेका छन् । न्यायाधीश मीरा खड्काको एकल इजलास पनि गठन भएको छ । न्यायाधीश हरिकृष्ण कार्कीको साथमा सुष्मालता माथेमाको संयुक्त इजलास गठन भएको छ ।

न्यायाधीश हरिकृष्ण कार्कीको साथमा अर्का न्यायाधीश बमकुमार श्रेष्ठको इजलास पनि परेको छ । तर त्यो इजलास मुद्दाको सुनुवाइका लागि नभइ पुरानो फैसलामा भएको त्रुटिको संशोधनका लागि गठन भएको छ । न्यायाधीश विश्वम्भरप्रसाद श्रेष्ठको साथमा बमकुमार श्रेष्ठको अर्को संयुक्त इजलास परेको छ । अर्का न्यायाधीश डा कुमार चुडालको एकल इजलास गठन भएको छ ।

त्यसैगरी डा आनन्दमोहन भट्टराई र डा मनोज शर्माको अर्को संयुक्त इजलास गठन भएको छ । न्यायाधीश अनिलकुमार सिन्हा र कुमार रेग्मीको अर्को इजलास गठन भएको छ । प्रकाशमानसिंह राउन र हरि फूयालको अर्को इजलास गठन भएको छ । अर्को इजलास सपना प्रधान मल्ल र प्रकाश ढुंगानाको छ । अर्को इजलास न्यायाधीश तेजबहादुर केसी र नहकुल सुवेदीको रहेको छ ।

सर्वाेच्चमा प्रधानन्यायाधीसलले पेशी तोक्दा कतिपय मुद्दामा आफु निकटका न्यायाधीसलाई पेसी तोक्ने र त्यसवाट न्यायपािलकाभित्र विचौलिया प्रवेश गर्ने गरेको, भष्टाचार वढेको जस्ता आरोप लाग्दै आएको थियो । न्यायाधीस हरिकृष्ण कार्कीको प्रतिवेदनले समेत त्यही विषय औल्याएपछि प्रधानन्यायधीसको अधिकार कटौती गदै आज देखि सर्वाेचचमा गोला प्रणालीवाट पेशी तोक्ने काम शुरु भएको हो ।