काठमाडौं । नेपाली कांग्रेस धनकुटा सभापतिमा दिनेश राई विजयी भएका छन् । राई देउवा पक्षीय नेता हुन् ।

निर्वाचन समितिका सदस्य खगेन्द्रप्रसाद घिमिरेले बुधबार बिहान सार्वजनिक मतपरीणामअनुसार राईले ५०४ मत प्राप्त गरेर निर्वाचित भएका बताए ।
राईका प्रतिद्धन्द्धी कमोट फागोले ४७० मत मात्रै पाए ।

उपसभापतिमा सुनिल डंगोलले ४६६ र निर्मल ओझा ४३० मतसहित विजयी भएका छन् । डंगोल देउवा पक्षका हुन् भने ओझा पौडेल पक्षीय नेता हुन् ।
सचिवमा देउवा पक्षका विजय सन्तोषी राई ६२६ र जयन्द्र घिसिङ ४३९ मत प्राप्त गरी विजयी भए ।

सहसचिवमा देउवा पक्षका रोशन श्रेष्ठले ५१८ र गिरिजा दाहालले ४६६ मत प्राप्त गरेर विजयी भएका छन् ।