काठमाडौं । नेपाली कांग्रेसको १४ औँ महाधिवेशनको उद्घाटन समारोहमा भारतका सत्तारूढ दल, प्रमुख प्रतिपक्षीलगायत दलको सहभागिता हुने भएको छ ।

चिनियाँ सत्तारूढ दल चिनियाँ कम्युनिस्ट पार्टीले सहभागिता जनाउने नजनाउने भन्ने टुंगो लागिनसकेको विदेशी पाहुना स्वागत तथा व्यवस्थापन समितिका संयोजक तथा पार्टी सहमहामन्त्री डा. प्रकाशशरण महतले जानकारी दिए ।

कांग्रेसले दक्षिण एशियाका मुख्य दलहरूलाई सहभागिताका लागि निमन्त्रणा पठाएको समेत उनले जानकारी दिए ।

उनले भने, ‘अहिलेसम्म निमत्रणा गरेकामध्ये भारतको सत्तारूढ दल भारतीय जनता पार्टी (भाजपा) र प्रमुख प्रतिपक्षी दल भारतीय कांग्रेस कांग्रेसआई) ले सहभागिता जनाउने ‘कन्फर्मेसन’ पठाएका छन् ।’

उनका अनुसार आजभोलि नै कन्फर्मेसन आउने जानकारी चिनियाँ सत्तारूढ दल चिनियाँ कम्युनिस्ट पार्टीले दिएको छ ।

कोरोनाका कारण धेरै दलहरू आउन डराएका उनको भनाई छ । कांग्रेस महाधिवेशन आउँदो पुस २४ गतेदेखि काठमाडौंमा हुँदैछ ।