काठमाडौं । नेपाली कांग्रेसको १४औं महाधिवेशनमा सभापतिसहित पदाधिकारीका साझा उम्मेदवार तय गर्न संस्थापन इतर (पौडेल) पक्षका नेताहरुबीचको बैठक सुरु भएको छ । पुर्व महामन्त्री प्रकाशमान सिंह निवास चाक्सीबारीमा बैठक सुरु भएको हो ।

साझा उम्मेदवार छान्न संस्थापन इतर पक्षका नेताहरु सोमबारदेखि निरन्तर छलफलमा छन्।

पौडेल पक्षका नेताहरुले बुधबार बिहान नवनिर्वाचित तथा निवर्तमान जिल्ला सभापति, नवनिर्वाचित प्रदेश सभापति र केन्द्रीय समिति सदस्यहरुसँग छलफल गरेका थिए।

बैठकमा सभापतिका आकांक्षी वरिष्ठ नेता रामचन्द्र पौडेल, महामन्त्री डा शशांक कोइराला, प्रकाशमान सिंह र शेखर कोइरालासहित केही केन्द्रीय सदस्यहरु पनि सहभागी छन्।