काठमाडौँ । नेपाली कांग्रेस केन्द्रीय कार्य समितिको बैठक सुरु भएको छ । पार्टीको केन्द्रीय कार्यालय सानेपामा सुरु भएको बैठकमा पार्टीका वरिष्ठ नेता रामचन्द्र पौडेल नजाने भएका छन् ।

भोलि शुक्रबारदेखि पार्टीको १४ औँ महाधिवेशन सुरु हुने भएसँगै आज अन्तिम केन्द्रीय कार्य समितिको बैठक बस्ने भएको हो । बैठकमा महाधिवेशनको कार्यसूची, महाधिवेशनको तयारीलगायत विषयमा छलफल हुने पार्टी कार्यालयका मुख्यसचिव कृष्णप्रसाद पौडेलले जानकारी दिए ।

कांग्रेसको १४ औँ महाधिवेशन भोलि दिउँसो १ बजे भृकुटीमण्डपमा उद्घाटन हुने भएको छ ।