काठमाडौँ । सत्तारुढ दल नेपाली कांग्रेसको १४ औँ महाधिवेशन नजिकिएसँगै पार्टी कार्यालय सानेपामा चहलपहल बढेको छ । भोलि शुक्रबारदेखि महाधिवेशन हुने भएपछि आज केन्द्रीय कार्य समितिको बैठक बस्न नेताहरू पार्टी कार्यालय पुगेका हुन् ।

केन्द्रीय समितिको बैठक बस्ने तयारी सँगै अधिकांश नेताहरू पार्टी कार्यालय पुगे पनि वरिष्ठ नेता रामचन्द्र पौडेल अनुपस्थित हुने भएका छन् । उनले आफू बैठकमा नजाने खबर पठाएका हुन् ।

महाधिवेशनमा सभापतिका आकांक्षी पौडेल बैठकमा नजाने भएसँगै बैठक सुरु हुन सकेको छैन ।