काठमाडौं । नेपाली कांग्रेसको १४ औं महाधिवेशनका महामन्त्रीका आकाक्षी डा मीनेन्द्र रिजालले कांग्रेस नेतृत्वमा पुरानै अनुहार लिएर चुनावमा जाँदा जनताले नपत्याउने बताएका छन् ।

शुक्रबार बिहान काठमाडौंमा पत्रकार सम्मेलन गरेर रिजालले रिजालले १४औँ महाधिवेशनमा महामन्त्री पदका लागि उमेदवारी घोषणा गरे ।

सोही घोषणा कार्यक्रममा नतो रिजालले पुरानै अनुहार लिएर चुनावमा जाने निर्णय कांग्रेसका लागि घातक हुन सक्ने बताएका हुन् ।

सहज रूपमा मुलुकलाई आम निर्वाचनसम्म पुर्‍याउनु वर्तमान सरकारको अभिभारा भएको पनि बताए ।

उनले भने, ‘अहिले देखिएका अनुहार पार्टी नेतृत्वमा देखिए जनताले पत्याउँदैनन् । त्यस कारण पार्टीले नयाँ अनुहार ल्याउनुपर्छ । ’ शेरबहादुर देउवा दोहोरि नहुने उनले तर्क समेत गरे ।

उनले प्रधानमन्त्रीको रूपमा शेरबहादुर देउवाप्रति आफ्नो समर्थन भए पनि पार्टीभित्र सभापतिको रूपमा फरक मत रहेको बताए । रिजाल रक्षा मन्त्री समेत हुन् ।