काठमाडौँ । नेपाली कांग्रेसको १४ औँ महाधिवेशनमा निर्वाचनका लागि प्रथम उम्मेदवारीको नामावली सार्वजनिक भएको छ । जसअनुसार सभापति पदमा ६ जनाको उम्मेदवारी परेको छ ।

यस्तै, दुई उपसभापतिमा सात जना, दुई महामन्त्रीमा ६ जनाको उम्मेदवारी परेको छ ।

सार्वजनिक नामावलीका अनुसार आठ सहमहामन्त्रीमा २० जनाको उम्मेदवारी परेको छ । कांग्रेसको केन्द्रीय निर्वाचन आयोगका अनुसार केन्द्रीय सदस्यका विभिन्न क्लस्टरमा ५०९ जनाको उम्मेदवारले उम्मेदवारी दिएका छन् ।

सभापति पदका लागि कल्याण गुरुङ, युवराज न्यौपाने, प्रकाशमान सिंह, डा. शेखर कोइराला, विमलेन्द्र निधि, प्रधानमन्त्रीसमेत रहेका सभापति शेरबहादुर देउवाको उम्मेदवारी परेको छ ।