काठमाडौँ । नेपाली कांग्रेसको १४औँ महाधिवेशन अन्तर्गत नयाँ नेतृत्व चयनका लागि भएको मतदानको मतगणना जारी छ ।

निर्वाचन समितिले बुधबार उपसभापति पदको मतगण्ना सुरु गरेको । पार्टी कार्यालय सानेपामा जारी उपसभापति पदको मतगणनाको नतिजा सार्वजनिक गरिएको छ ।

१७०० मत गन्दा सभापतिमा निर्वाचित शेरबहादुर देउवा प्यानलका दुवै उम्मेदवारलाई शेखर प्यानलका उम्मेदवारले जितेका छन् । १५ सय मत गन्दासम्म तेस्रो भएका चन्द्र भण्डारीले पूर्णबहादुर खड्कालाई पनि जितेका छन् ।

धनराज गुरुङले ७४५ र चन्द्र भण्डारीले ६७२ मत पाएका छन् । अग्रता बनाउने दुबै उम्मेदवार डा शेखर कोइराला प्यानलका हुन् ।

यस्तै शेरबहादुर देउवा प्यानलका पूर्णबहादुर खड्काले ५८० मत र चौथोमा रहेका विजयकुमार गच्छदारले ४७० मत पाएका छन् ।