काठमाडौँ । सभामुख अग्निप्रसाद सापकोटाले किराँत समूदायको उधौली पर्वको शुभकामना दिएका छन् । उनले आइतबार बिहान एक विज्ञप्ति जारी गर्दै उधौली पर्वको शुभकामना दिएका हुन् ।

ुकिराँत समुदायभित्रका राई, लिम्बू, याख्खा, सुनुवार, थामी, सुरेल, हायु लगायतले मनाउने उधौलीका अवसरमा यो चाड मनाउनु हुने सम्पूर्ण नेपाली दिदीबहिनी तथा दाजुभाइहरूमा हार्दिक बधाई एवं शुभकामना व्यक्त गर्दछु,’ उनले जारी गरेको विज्ञप्तिमा भनिएको छ ।

यस्तै, उनले नेपालसहित विश्वव्यापी रुपमा देखा परेको जलवायु परिवर्तनले उत्पन्न नकारात्मक असरहरु कम गर्न एवं प्राकृतिक सम्पदाको व्यवस्थित एवं दिगो प्रयोग गर्न प्रकृतिप्रति समर्पित यस्ता पर्वले नागरिकलाई प्रेरणा मिल्ने विश्वास व्यक्त गरे ।