काठमाडौँ । जिल्लाको पूर्वी क्षेत्रमा पर्ने केआइसिंह गाउँपालिका ४ वायलमा जंगली भालुले आक्रमण गर्दा एक युवती गम्भीर घाइते भएकी छन् । जिल्ला प्रहरी कार्यालयका सहसूचना अधिकारी रवीन्द्र चन्दका अनुसार गम्भीर घाइते हुनेमा ३८ वर्षीया पपि विष्ट हुन् ।

बासकोटा बोकडाडा भन्ने ठाउँमा घाँस काट्न गएकी विष्टलाई भालुले आक्रमण गरी गम्भीर घाइते बनाएको स्थानीय शेरबहादुर ऐरले जानकारी दिए । उनका अनुसार भालुले टाउको, छाती तथा शरीरका विभिन्न भागमा गहिरो चोट पुर्‍याएको छ ।

भालुले आक्रमण गर्दा उनी भिरबाट करिब ५० मिटर तल खसेकाले थप चोट पुगेको हो । घाइतेको दिपायलमा उपचार भइरहेको छ ।