काठमाडौँ । नेकपा माओवादी केन्द्र प्रदेश १ को अध्यक्षमा हर्कबहादुर नेम्वाङ विजयी भएका छन् । उनले प्रतिद्वन्द्वी मुक्साहाङ मेन्याङ्बोलाई पराजित गर्दै अध्यक्षमा विजयी भएका हुन् ।

अध्यक्षमा नेम्बाङले एक सय ६९ मत पाएका थिए । यस्तै, मेन्याङ्बोले ६४ मत मात्र पाएका थिए ।

यसैगरी प्रदेश सम्मेलनबाट तीन जना उपाध्यक्ष चयन भएका छन् । जसमा देवान चाम्लिङ, शिवकुमार डाँगी र मणिकुमार साम्पाङ रहेका छन् ।

सचिवमा गणेश उप्रेती विजयी हुँदा तीन जना सहसचिवमा कुमारी राई, ऋषिराम ढुंगाना र सागर किराँती विजयी भएका छन् । कोषाध्यक्षमा रेवतराज पुरी विजयी भए ।

९ जना पदाधिकारी चयनका लागि भएको निर्वाचनमा २४० जनाले मतदान गरेका थिए ।