काठमाडौँ । कोभिड १९ को नयाँ भाइरस ओमिक्रोन भेरियन्ट फैलिन थालेपछि इंग्लिस प्रिमियर लिग फुटबलका खेल स्थगित भएका छन् ।

आइतबार रातीका लागि तय गरिएका खेल खेलाडीहरुमा नै कोरोनाको नयाँ भेरियन्ट फैलिएको भन्दै स्थगित गरिएको बीबीसीले जनाएको छ ।

समाचार अनुसार, आइतबारका लागि तय गरिएका लिभरपुल र लिड्स युनाईटेड तथा वुल्भ्स र वार्टफोर्डबीचको खेल स्थगित गरिएको हो ।

प्रिमियर लिगमा सहभागी चेल्सीका पाँच जना खेलाडीमा कोरोनाको नयाँ भेरियन्ट देखिएको छ ।

अरु खेलाडी र प्रशिक्षक पनि उच्च जोखिममा परेका कारण प्रतियोगिताका अन्य खेलहरु पनि स्थगित हुन सक्ने बीबीसीले जनाएको छ ।